Presidenti i senatorëve të ‘Forza Italia’ në shtetin fqinj, ka dalë hapur në mbështetje të PD-së. Në një shkrim të publikuar në median italiane ai thotë se “Italia nuk mund të qendrojë indiferente ndaj asaj që po ndodh në Shqipëri”.
Paolo Romani deklaron se është e nevojshme një qeveri kujdestare që do të përgatisë zgjedhje të ndershme.
“Eshtë fondamentale që zgjedhjet e ardhshme të behen nga një qeveri kujdestare, e mbështetur nga shumica dhe opozita, siç kërkohet edhe nga Kryetari i Parlamentit, Ilir Meta”, shprehet Romani.
Më poshtë shkrimi i plotë në Corrierequotidiano.it
Italia ka qenë gjithmonë aleati kryesor i procesit të integrimit europian të Shqipërisë, dhe duhet të vazhdojë të mbajë këte rol udhëheqës dhe mbështetes në këtë tranzicion delikat. Marrëdhëniet mes Shqipërisë dhe Italisë kanë rrënjë historike, dhe kane vazhdimesi dhe sot ne marrdhëniet dypalëshe.
“Vendi ynë nuk mund, pra, të jetë indiferent në lidhje me krizën politike në këtë kohë në Shqipëri”, kjo u deklarua nga Paolo Romani, president i senatorëve të ‘Forza Italia’.
“Një krizë politike që është e lidhur në një situatë të komplikuar nga prania e fortë e krimit të organizuar që është i angazhuar në prodhimin e kanabisit. Nga të dhënat e fundit kemi nje rritje te prodhimit, dhe të trafikut të kanabisit në drejtim të territorit tonë ku institucionet tona, së bashku me institucionet shqiptare, protagoniste në përballjen dhe kontrollin e territorit”, thekson ai.
Në këtë skenar –nenvizon Romani – është fondamentale që zgjedhjet e ardhshme të behen nga një qeveri kujdestare, e mbështetur nga shumica dhe opozita, siç kërkohet edhe nga Kryetari i Parlamentit, Ilir Meta, që përfaqëson Lëvizjen Socialiste për Integrim, pjesë e mazhorances në qeveri, në gjendje për të përmirësuar klimën e konfrontimit politik mes partive kryesore, Partisë Socialiste të kryeministrit Edi Rama dhe Partisë Demokratike me kryetar Luzlim Bashen, përkatësisht qeverisë dhe opozitës, për t’i dhënë vendit një ligj të ri zgjedhor, pas dështimit të reformës zgjedhore që ishte per diskutim në Parlament, dhe për të siguruar zgjedhje demokratike dhe të lira.”Vetëm në këto kushte procesi i integrimit ne Bashkimin Europian, të Shqipërise mund të shkojë përpara pa pengesa dhe nën kujdesin më të mire”.
Italia duhet të luajë një rol promotor në të gjitha vendet europiane për të mbështetur Shqipërinë në një ecuri pozitive të kësaj faze dhe në arritjen e objektivit final, hyrjen në Bashkimin Evropian.
Lajmi ne origjinal: Romani, Italia la sostenga in delicato passaggio
