Forumi për Mbrojtjen e Trashëgimisë Kulturore ka publikuar disa foto ku shihet se po kryhen punime në kalanë e Tiranës. Ndërtimi i ri po bëhet ngjitur me murin e Akademisë së Shkencave (shih fotot).
Forumi për Mbrojtjen e Trashëgimisë Kulturore shkruan në facebook: “Mirela Kumbaro – godet sërish! Betonizohet kalaja e Tiranës e cila, brenda mureve është shpallur Zonë Arkeologjike. Masakra e re po zhvillohet në mes të kryeqytetit në një zonë arkeologjike A, ende të pagërmuar”.
Ende nuk ka asnjë reagim nga Ministria e Kulturës se ccfarë është ky ndërtim dhe nëse po dëmtohet trashëgimia kulturore.
Historia
Kalaja e Tiranës ishte një stacion rrugor i Via Egnatia-s. Ajo përbënte qendrën e një vendbanimi, të emërtuar me një variacion emrash që në shekujt e parë të erës sonë. Tirkan (shek IV e.s ), Tergiana (1297) kur në të ishte vendosur kancelaria e sundimtarit të saj Karli I Anzhu, dhe në formën e sotme Tyranna (1505) sipas Barletit.
Ky tiponim akoma nuk është saktësuar plotësisht. Por kalaja, dëshmia më e lashtë e këtij qyteti, ndodhet pikërisht në vendin ku derdheshin e kryqëzoheshin rrugët e vjetra e të reja që e lidhnin kryeqytetin dhe pastaj krejt Shqipërinë – veriun me jugun, lindjen me perëndimin. Në ambientet e Kalasë së Tiranës ka disa shtëpi tradicionale të cilat kanë krijuar stilin e ndërtesës qytetare Tiranase. Në ndërtesat brenda Kalasë së Tiranës kanë banuar pjesëtarë të familjeve sunduese të qytetit dhe për këtë arsye ato konsiderohen edhe si godina të administratës së parë lokale.
