Partia Demokratike e Elbasanit ka paditur në Prokurori drejtorin e Inspektoratit Shtetëror Shëndetësor në Elbasan, të cilin e akuzon se ka shpërndarë një formular për mbledhjen e votave tek punonjësit nën varësinë e tij.
Sipas PD, Blendi Musai ka kryer një krim dhe abuzim të rëndë me detyrën.
“Gjatë ditës së sotme kemi përcjell të dhënat e plota për kallëzimin e tij në prokurori për kryerjen e veprës penale të parashikuar në nenin 328/a “Përdorimi i funksionit publik për veprimtari politike ose zgjedhore” të Kodit Penal.
Partia Demokratik Elbasan garanton të gjithë punonjësit e administratës publike që nuk angazhohen në veprimtari politike dhe nuk bien pre e presionit të paligjshem, se asnjë akt shantazhi apo largimi nga puna për qëllime elektorale nuk do të njihet nga Qeveria e re e Partisë Demokratike e dalë pas zgjedhjeve të 25 Prillit 2021.”, shkruhet në denoncimin e PD Elbasan në Facebook. /Opinion.al
Ky është Formulari i mbledhjes së votave për Partinë Socialiste i shpërndarë nga Drejtori i Inspektoratit Shtetëror…
Posted by Partia Demokratike Elbasan on Monday, September 14, 2020
