Një pikëpyetje e madhe është ngritur sot mbi deputetin e PS, Rrahman Rraja: A ka fshehur ai një episod kriminal të ndodhur në vitin 1998 në Fushë-Krujë?
Ka qenë oficeri i policisë i larguar tashmë nga Shqipëria, Emiljano Nuhu që ka deklaruar se deputeti është përfshirë në një incident të armatosur me një punonjës policie në 1998, ku për pasojë kanë mbetur të plagosur të dy, si Rraja ashtu edhe polici. Pikërisht nga kjo ngjarje, deputeti ka mbetur me probleme në sy, ndaj edhe mban gjithnjë syze, tha Nuhu.
Për këtë ngjarje nuk është folur asnjëherë deri më sot. Kujtojmë se Rraja është deputet i Partisë Socialiste për qarkun e Durrësit, zona e Krujës prej 1 viti. Si gjithë deputetët e tjerë ai ka plotësuar formularin e Dekriminalizimit, një kopje të cilit e ka siguruar Opinion.al. Shihet qartë se formulari i Rrajës është “i bardhë”, pra është përgjigjur me jo të gjitha pyetjeve që kanë të bëjnë me gjendjen e penalitetit.
Kujtojmë se “Njësia Për Dekriminalizimin” në Prokurorinë e Përgjithshme kreu një sërë verifikimesh për deputetët e parlamentit, përgjatë viteve 2016 dhe 2017, ku rezultoi se disa deputete dhe kryetar bashkie kishin mashtruar me formularin e dekriminalizimin, duke mos deklaruar precedentet penale ne te shkuaren e tyre. Si pasoje e ketij ligji u larguan:
Shkëlqim Selami (LSI) Dashamir Tahiri (PD) kryebashkiaku socialist i Kavajës, Elvis Rroshi, Aqif Rakipi (PDIU), Gledion Rehovica (LSI). Dorëzuan mandatet nën presion (para se të miratohej ligji) Armando Prenga (PS) dhe Arben Ndoka (PS).
Duke u kthyer tek rasti Rraja: Mbetet që Njësia e Dekriminalizimit ne Prokurori të hetojë në mënyrë të thelluar nëse ka dokumente apo dëshmitarë që provojnë perplasjen me armë të deputetit në 1998, siç pretendon oficeri i policisë. Lexo te plotë: Akuzat e Emiljano Nuhut për familjen Rraja dhe incidentin me armë.
*Dokument: Formulari i vetedeklarimit ne kuader te ligjit te Dekriminalizmit bere nga deputeti Rraja në Prill 2017
