Zbardhen formularët e vetëdeklarimit të gjyqtarëve që ushtrojnë detyrën në gjykatat e Shkallës së Parë dhe Apel në gjykatat e zakonshme në vend, në ato administrative dhe te Krimet e Rënda. Formularët e 363 gjyqtarëve u publikuan dje nga Këshilli i Lartë i Drejtësisë.
Si subjekte që preken nga ligji për dekriminalizimin, gjyqtarët u janë përgjigjur tetë pyetjeve të formularit. Bie në sy fakti që pjesa dërrmuese e tyre, përveç plotësimit të gjeneraliteteve, nuk kanë pasur asgjë tjetër për të shënuar në formular, pasi u janë përgjigjur me “jo” të gjitha pyetjeve.
Kuadrati i pyetjes nëse kanë qenë ndonjëherë të ndaluar apo arrestuar nga organet ligjzbatuese për kryerjen e ndonjë vepre penale, ka marrë përgjigje “Jo” dhe kuadrati shoqëruese është lënë bosh thuajse në të gjithë formularët e vetëdeklarimit të gjyqtarëve. Ndër të vetmit formularë ku ka ndodhur e kundërta është ai i gjyqtarit të Apelit për Krimet e Rënda, Dhimitër Lara.
Formulari i vetëdeklarimit për Dhimitër Larën Gjyqtari Lara ka plotësuar se në vitin 1982 është ndaluar nga hetuesia e qytetit të Durrësit. Si arsye gjyqtari ka shënuar “dyshim për sjellje të padenjë në shoqëri (neni 129 K. Penal, ligji nr.6069, dt. 25.12.1979)”.
Referuar formularit të nënshkruar prej tij, periudha që ka zgjatur ky veprim ka qenë 3 ditë në pranverën e vitit 1982. Në kuadratin e rezultatit është shënuar “liri, pa asnjë pasojë”.
EMIGRACIONI
Në një vëzhgim të kryer nga gazeta në formularët e vetëdeklarimit të gjyqtarëve, dhjetëra prej tyre kanë jetuar në periudha disamujore deri në disa vite jashtë vendit për qëllime studimi, apo trajnimi. Por në këtë listë nuk mungojnë edhe emra të gjyqtarëve që kanë emigruar për arsye ekonomike, apo politike.
Formulari i vetëdeklarimit për Kastriot Gramshin
Kështu, gjyqtari Kastriot Gramshi ka deklaruar se ka jetuar dhe punuar në Nju Jork, SHBA, në periudhën shtator 2003korrik 2014. Gjyqtari i Tiranës, Kreshnik Omari, ka deklaruar se ka qenë emigrant në Itali në periudhat 19911996 dhe majshtator 1997.
Gjyqtari Arjan Aliaj ka deklaruar se në periudhën gushtdhjetor 2000 ka qëndruar për arsye studimi në Spanjë, ndërsa janarkorrik 2001 si emigrant në Francë. Gjyqtari i Apelit për Krimet e Rënda, Dhimitër Lara, ka deklaruar se ka qendruar nga 17 janari fund tetori 1991 në Greqi për arsye emigrimi politikoekonomik. Emigrantë në Greqi kanë deklaruar të kenë qenë dhe gjyqtarët Ken Dhima në vitin 1992 dhe Ilir Çeliku në 199192.
Nga ana tjetër, gjyqtari i Apelit Tiranë, Gjin Gjoni, ka deklaruar katër periudha disamujore të jetesës jashtë vendit për arsye studimi gjatë 20002002 përkatësisht në Gjermani, Danimarkë dhe dy herë në SHBA. Po për arsye studimi, kanë deklaruar të kenë qëndruar jashtë shtetit edhe gjyqtarët e Tiranës, si Migena Laska, Arjan Aliaj e Asim Vokshi.
NDRYSHIMI I EMRIT
Identitetet e ndryshuara rezulton të jenë shumë të pakta në radhët e gjyqtarëve. Referuar vetëdeklarimeve të tyre, rezulton se gjyqtari Ken Dhima ka pasur gjeneralitete të mëparshme Krenar Gjoka.
Formulari i vetëdeklarimit për Ken Dhimën
Një tjetër rast i një emri të ndryshuar është ai i gjyqtarit Ilir Çeliku. Gjyqtari ka vetëdeklaruar se ka përdorur gjeneralitetet Elefterios Çelikas me amësi dhe atësi të ndryshme nga aktualja. Gjyqtari i Krimeve të Rënda, Luan HaLuan Hasneziri, ka deklaruar se ka përdorur më herët mbiemrin Hasani.
Ndërsa kolegu i tij, Idriz Mulkurti, ka deklaruar se më herët mbiemri i tij shkruhej Mulkurtaj. Fakti më i shpeshtë i konstatimit të ndryshimit të mbiemrit është ai i disa dhjetëra gjyqtarëve femra, të cilat e kanë ndryshuar atë pas martesës. /panorama.al
