Gara e Çmimit të Madh të Abu Dhabit zhvilluar sot pasdite në pistën e Yas Marina ka një triumfator. Është piloti holandez i Red Bull, Max Verstappen i cili u shpall kampion bote në Formula 1 për vitin 2021. Në vendin e dytë u klasifikua piloti britanik i Mercedes, Lewis Hamilton, i cili ndonëse e dominoi garën për 58 xhiro, humbi në kthesat e fundit.
Hyrja e makinës së sigurisë në pistë pas një aksidenti, i dha kohë stafit të Red Bull, që të ndërrojë gomat e makinës së Verstappen. Ndërsa te Mercedes nuk bënë të njëjtën gjë dhe në xhiron e vetme të lirë pas largimit të makinës së sigurisë ndodhi parakalimi qe i dha fitoren holandezit./Opinion.al
