Situata te Mclaren nuk është e mirë, një makinë që këtë sezon nuk ka arritur të shkojë aty ku synonte me rezultatet e dy pilotëve të saj në Botërorin e Formula 1. Duket se kjo paraqitje e vakët ka krijuar krisje edhe te drejtuesit e makinës britanike, pasi McLaren ka vendosur që mos t’i rinovojë kontratën drejtorit të saj Ron Dennis, i cili ndodhet në këtë post që prej vitit 1980. Por Dennis, që mban 25% të aksioneve të makinës britanike, ka vendosur që ta apelojë këtë vendim pranë Gjykatës së Lartë në Londër.
Dennis nuk dëshiron të heqë dorë kollaj nga kjo betejë dhe ka nisur të lëvizë në Lindjen e Largët, për të afruar një grup investuesish kinezë, që janë gati të ofrojnë 1.9 miliardë dollarë për të blerë 100% të aksioneve. Ndaj dhe drejtuesit e McLaren kanë nisur të kundërpërgjigjen, duke e pezulluar menjëherë drejtuesin e tyre (kjo ende nuk konfirmohet). Ron Dennis, në detyrën e tij si shef i McLaren ka fituar 7 tituj kampionë bote për konstruktorë dhe 10 për pilotë, duke qenë një nga drejtuesit më të mirë në botën e Formula 1.
