Kombëtarja shqiptare e futbollit do të luajë mbrëmjen e sotme kundër Çekisë në 20:45 në “Air Albania”, për grupin E të Euro 2024.
Kuqezinjtë vijnë në këtë takim si kryesues të grupit, teksa përballen me skuadrën që nuk ka humbur asnjë takim në këto kualifikuese.
Pak më parë janë publikuar edhe titullarët, ku Sylvinho ka projektuar skemën 4-3-3. Në portë Berisha, ndërsa në mbrojtje Mitaj, Gjimshiti, Ajeti, Hysaj; mesi i fushës, Bajrami, Asllani, Ramadani; në sulm Asani, Seferi dhe Cikalleshi.
Kuqezinjtë vijnë në këtë takim me mungesa të rëndësishme në mbrojtje, ku për shkak dëmtimesh nuk janë në dispozicion Ismajli dhe Kumbulla.
Kujtojmë se Shqipëria kryeson grupin me 10 pikë, 2 pikë më shumë se Çekia.
Formacioni i Shqipërisë:
Shqipëria (4-3-3): Berisha; Hysaj, Ajeti, Gjimshiti, Mitaj; Bajrami, Asllani, Ramadani; Asani, Seferi, Cikalleshi Trajner: Sylvinho/Opinion.al
