Sapo janë shpallur formacionet zyrtare të ndeshjes Shqipëri-Spanjë që do të zhvillohet pas pak në stadiumin “Loro Boriçi” të Shkodrës. Kombëtarja është para një prove zjarri, një ndër më të vështirat e kualifikueseve për Kampionatin Botëror “Rusi 2018”. Në “Loro Boriçi”, kuqezinjtë presin Spanjën në takimin e tretë për Grupin G, pas fitoreve ndaj Maqedonisë dhe Lihtenshtejnit.
Asnjë surprizë nga trajneri De Biazi në përzgjedhjen e lojtarëve që do ta nisin këtë duel. Sikurse pritej, tekniku italian u ka besuar këtyre lojtarëve: Berisha; Hysaj, Mavraj, Gjimshiti, Agolli; Xhaka, Lila, Memushaj, Roshi, Lenjani; Balaj.
Në krahun tjetër, Julen Lopetegui duket se nuk ka aspak ndërmend të mbrohet, duke e rreshtuar skuadrën me skemën 3-4-3: De Gea; Pike, Ramos, Monreal; Buskets, Koke, Alkantara, Injesta; Vitolo, Kosta, Silva.
