Një pako e dyshimtë vuri në alarm policinë e Tiranës ditën e sotme, pasi në rreth-rrotullimin e dytë të Unazës së Re, në anë të bordurës u konstatua një pako ku dyshohej se brenda saj kishte lëndë shpërthyese.
Në vendngjarja kanë shkuar ekspertët e repartit anti-eksploziv të RENEA-s, duke bërë shpërthimin e kontrolluar.
Por, mësohet se në pakon e dyshimt nuk ka pasur lëndë eksplozive.
Në pakon e dyshimit ishin vendosur dy bateri të vjetra, një bobinë dhe një kapak celulari, të lidhura dhe të mbështjella me natriban për të krijuar idenë e një mine me telekomandë.
Ndërkohë, policia është duke punuar për të identifikuar dhe arrestuar personat tq cilët kanë ngjallur panik të qytetarët e kryeqytetit.
Njoftimi i policisë
Në lidhje me pakon e konstatuar në anë të bordurës në Unazë te Re, tek rrethrrotullimi i dytë, ku dyshohej se brenda saj mund të kishte lëndë plasëse ju informojmë se:
Pas mbritjes në vendngjarje të ekspertëve antieksplozit, është bërë shpërthimi i telekomanduar i pakos ku rezultoi se brenda saj nuk kishte lëndë eksplozive por kishte dy bateri të vjetra, një bobinë dhe një kapak celulari, të lidhura dhe të mbështjella me natriban për të krijuar idenë e një mine me telekomandë.
Nga veprimet e para hetimore dyshohet se kjo pako është lënë qëllimisht në rrugë për të krijuar panik.
Grupi hetimor vijon punën për sqarimin e plotë të rrethanave të ngjarjes, identifikimin dhe kapjen e autorit./ Opinion.al E. Xh.
