Ligjvënësit e opozitës nuk janë lejuar të futen në parlament nga forcat e sigurisë në Venezuelë.
Kjo masë është marrë një javë pasi Gjykata e Lartë iu shfuqizoi imunitetin disa deputetëve të opozitës.
Deputetët po mblidheshin në parlament për të diskutuar heqjen e imunitetit të ligjvënësve nga ana e Gjykatës si dhe arrestimin e Edgar Zambranos, nënkryetar i Parlamentit, dhe kritik i presidentit të kontestuar, Nicolas Maduro.
Kriza në Venezuelë po vazhdon prej disa muajsh, ku opozita ka zhvilluar disa protesta ndaj presidentit Nicolas Maduro.
Ai është kundërshtuar dhe nga SHBA dhe disa prej shteteve aleate, të cila shprehen se Maduaro duhet të largohet dhe ti lërë vendin liderit të opozitës Huan Guaido.
Ndërkohë, Maduro ka mbështetjen e Rusisë, Kinës dhe disa vendeve tjera po vazhdon të qëndrojë në pushtet pavarësisht protestave dhe thirrjeve të opozitës për tu larguar nga posti.
Venezuela, nën udhëheqjen e Maduros, është zhytur në krizë ekonomike dhe miliona njerëz e kanë lëshuar vendin si pasojë e varfërisë./ Opinion.al E.Xh.
