Revista amerikane, Forbes, ka zbuluar emrat e grave më të fuqishme në botë për vitin 2020. Në krye të listës këtë vit është kancelarja gjermane, Angela Merkel, e pasuar nga presidentja e Bankës Qendrore Evropiane, Christine Lagarde.
Në pesë vendet e para renditen edhe nën-presidentja e zgjedhur amerikane, Kamala Harris, presidentja e Komisionit Evropian, Ursula von der Leyen dhe filantropja amerikane, Melinda Gates.
“Lideret e listës së 100 grave më të pushtetshmenë botë të renditura nga revista Forbes, luajnë rol tejet të rëndësishëm në të përcaktuarit e asaj se si do të duket bota pas pandemisë. Fuqia e tyre kalon përtej fushave ekonomike dhe politike, për të transformuar industrinë dhe për të zgjidhur çështjet më urgjente shoqërore. Fuqia e tyre për të na çuar përpara, nuk ka qenë kurrë më e domosdoshme se sot e në këtë kohë”, është thënë në deklaratën e revistës e cila ka renditur emrat e 100 grave më të fuqishme në botë.
Nga vendi i pestë deri tek i dhjetë, Forbes ka përmendur këto emra: Mary Barra, Nancy Pelosi Ana Patricia Bioton, Abigail Johnson dhe Gail Bourdreaux. Forbes ka theksuar ndër të tjera se ndikimi ekonomik dhe shoqëror i pandemisë së koronavirusit ka prekur në mënyrë joproporcionale gratë./ Opinion.al
