Kreu i PD, Sali Berisha në konferencën e përjavshme për mediat, komentoi deklaratat e kryeministrit Edi Rama ditën e djeshme në Kuvendin e Shqipërisë. Rama u shpreh dje se nuk do të marrin asnjë hap për të zgjidhur ato që ai i cilësoi “probleme mes gojores dhe foltores”.
Berisha tha se në mënyrë të të turpshme, Edi Rama përdori çdo fjalor, që nuk mund ta përdorë kurrë një zyrtar para kamerave, ndërsa përgëzoi deputeten Grida Duma për përgjigjen e merituar që i dha.
“Në mënyrën më të padenjë, të turpshme, Edi Rama përdori çdo fjalor, që nuk mund ta përdorë kurrë një zyrtar para kamerave, në prani të një kolektiviteti, por në prani të askujt.
E bëri këtë për dy arsye. Së pari, për të mbuluar refuzimin e pranimit nga ana e tij të rezolutës për dënimin e gjenocidit serb në Kosovë.
Vasali i Vuçiçit nuk guxon që të ngrejë çështje siç duhet. Aty ku preket Serbia. Ai e ka me borxh, me një gjuhë jashtëzakonisht të padenjë për një njeri normal. Me këtë rast e përgëzoj zonjën Grida Duma për përgjigjen e merituar që i dha. Shpreh mosaprovimin tim për qëndrimin e kryetares së parlamentit ndaj atyre zonjave, kur dëgjuan kreun e tyre të flasë si halabak. Që nuk kërkuan ndërprerjen e seancës dhe nxjerrjen e tij jashtë. Nuk shqipëroi një fjalë”-tha Berisha.
Duma iu përgjigj kreut të qeverisë duke thënë kush ka aparatin tretës në tru mund të përdorë edhe gojën për jashtëqitje./Opinion.al
