Detaje të reja kanë dalë pas ngjarjes së rëndë të ndodhur mëngjesin e sotëm në Ukrainë, ku 18 persona humbën jetën pas rrëzimit të një helikopteri në Kiev, përfshirë edhe ministrin e Brendshëm ukrainas.
Sipas BBC, helikopterët ukrainas zakonisht fluturojnë ulët për të shmangur raketat e armikut.
Kievi, thuhet në artikull, është në afërsi të njësive ruse S-400 SAM të vendosura në Bjellorusinë fqinje në veri. Këto janë sisteme shumë të afta që i detyrojnë avionët si dhe helikopterët të fluturojnë në nivele që të shmangin zbulimin nga radarët.
Por qëndrimi i ulët rrit rrezikun e një përplasjeje me tokën. Ky lloj fluturimi është intensiv dhe mjaft stresues për pilotët, veçanërisht në një mjedis urban me struktura të shumta si ndërtesa dhe pemë.
BBC thotë se ende nuk janë të qarta motivet e rrëzimit të helikopterit, por sipas medias britanike fluturimi i ulët nuk është pa rreziqe.
