Destinacione të reja dhe shtim të frekuencave për destinacionet ekzistente.
Është kjo risia e fundit që sjell linja ajrore Blue Panorama për pasagjerët shqiptarë.
Kështu, me Blu Panorama, e cila numëron plot 1.2 milion pasagjerë të transportuar për 2015, do të keni mundësi të udhëtoni tashmë edhe drejt Torinos, Firenzes dhe Trevisos.
Blue Panorama ka njoftuar përmes një konference për shtyp se nga 1 Tetori do të funksionojnë fluturimet e përbashkëta me linjën ajrore shqiptare “Albawings”. Kjo falë bashkëpunimit mes dy kompanive për vendosjen e një kodi të përbashkët të fluturimit.
Përmes kësaj risie, mund të behet rezervimi i biletave ne sistemet e rezervimit te te dy kompanive si edhe ne GDS pavaresisht perkatesise se kodit.
Gjatë Konferencës, CEO i “Blue Panorama” Giancarlo Zeni deklaroi shtimin e flotës për tregun shqiptar me tre avionë Boeing 2, avione 737-800 NG (neë generation ) dhe 1 avione 737-400, duke rritur numrin e flotës në 8 avionë në sezon të ulët e 12 avionë në sezonin e lartë.
Zeni shtoi se vetëm në vitin 2015, “Blue Panorama” ka transportuar 300.000 pasagjerë nga Shqipëria në Itali, 480.000 në 2015 dhe plot 600.000 parashikohen për vitin 2016.
Këto risi, sipas Zenit e sjellin kompaninë më pranë pasagjerit shqiptar, duke rritur sigurinë për vijueshmërinë e fluturimeve dhe stabilittetin e operacioneve.
Blue Panorama Airlines ka lidhur Shqipërinë me 10 destinacione Italiane (e anasjelltas) me 18.000 vende e 56 frekuenca javore. Me nje rregullsi ne operim (fluturime te pa anulluara) 99% dhe perpikmeri ne orare 70%.
