Kryesore

Flutura Açka thirrje publike Bashës në Kuvendin e PD: “Ndërroni lëkurën”


Bëhu pjesë e Grupit Zyrtar të Opinion.al
>> KËTU <<
               Publikuar në : 14:51 - 18/12/21 |
Opi Nion

Deputetja e Partisë Demokratike, Flutura Açka, gjatë fjalës së saj në Kuvendin e 18 dhjetorit i është drejtuar edhe kreut të partisë, Lulzim Bashës, duke i bërë edhe një kërkesë publie.

Ajo kërkoi që kreu i PD të heqë klishenë e krijuar se një politikan hyn i mirë në politikë dhe del i keq, dhe të japë shembullin e kundërt.

“Ndërroni lëkurën”-iu drejtua Açka, në mënyrë figurative Bashës.

Kam dy fjalë të sinqerta me ju zoti Basha. Më vjen mirë që ka ardhur një kohë reflektimi edhe për ju. Ta bëjmë PD vërtet demokratike dhe të krijojmë mundësinë të qarkullojnë elitat. Të amnistojmë çdo keqkuptim të sotëm me një pjesë të rinisë sonë, që e kemi jashtë kësaj salle. E kuptoj hendekun që na është krijuar me bazën dhe kjo është e kuptueshme, por nga nesër ju duhet të ktheheni më shpesh dhe më bindshëm te demokratët. Ata janë duke pritur tua thoni në sy dëshpërimin e tyre. Afrimi më shumë te baza nuk është qasje konservatore, por njerëzore. Ju kërkoj të ndryshoni, të gjeni një X faktor, të “ndërroni lëkurë”, në politikën shqiptare është krijuar klisheja se një politikan hyn i mirë në politikë, e del i keq, jepni shembullin e kundërt. Ua kërkoj publikisht, hiqeni atë tonik ju i pari”,-u shpreh deputetja Açka./Opinion.al

Pas