Shkrimtarja Flutura Açka ka ironizuar sot Ministrin e Brendshëm Saimir Tahiri, teksa i referohet hashashit që këtë radhë sipas saj është prezent në jug të vendit, me një aromë të tillë, “sa të duket vetja se po ecën mes coffee shops të Amsterdamit”, siç shkruan ajo në një status në FB.
Kur flet për cubin s’alpin (i jugut) siç e cilëson ajo, Açka me sa duket ka në mend Ministrin e Brendsëm, që sipas saj thotë se po e lufton shumë. Lexconi më poshtë statusin e plotë:
Hashash, ore, për të tërë!
Kjo pamje është diku në të dalë të fshatit Dhërmi; aq shumë bie era hashash, sa të duket vetja se po ecën mes coffee shops të Amsterdamit. Po, edhe pak më përtej në të dalë të Borshit. Dhe cubi s’alpin (i jugut) thotë se po e luftojmë shumë.
Zahmet e ka ta bëjë këtë rrugë që sapo e bëra unë; nëse nuk e ndien erën, ose ka probleme me hundën (me nuhurimën), ose ka probleme me sytë (nuk ia shohin kamerat e helikopterit)… ose pastaj ka probleme vojvode*.
* vojvodë, taksidar otoman, që shpesh paguhej në natyrë, pra me mall e gjë
Foto e publikuar nga Flutura Acka
