Më shumë se 4.5 milionë refugjatë ukrainas u larguan nga vendi i tyre që nga pushtimi i urdhëruar nga presidenti rus Vladimir Putin më 24 shkurt, sipas të dhënave të Komisionerit të Lartë për Refugjatët (UNHCR), sipas të cilit janë saktësisht 4,503 .954 refugjatë ukrainas.
Kjo shifër shënon 62,291 persona më shumë se numërimi i djeshëm.
Evropa nuk ka parë një fluks të tillë refugjatësh nga Lufta e Dytë Botërore. Rreth 90% e atyre që ikën nga Ukraina janë gra dhe fëmijë dhe autoritetet ukrainase nuk lejojnë që burrat e moshës ushtarake të largohen. Sipas Organizatës Ndërkombëtare të Kombeve të Bashkuara për Migracionin (IOM), rreth 210,000 joukrainas janë larguar nga vendi, në disa raste edhe duke hasur në vështirësi për t’u kthyer në vendin e tyre të origjinës.
Kombet e Bashkuara vlerësojnë gjithashtu numrin e personave të zhvendosur brenda vendit në 7.1 milionë, sipas të dhënave të IOM të publikuara më 5 prill. Në total, pra, më shumë se 11 milionë njerëz, ose më shumë se një e katërta e popullsisë, u është dashur të lënë shtëpitë e tyre duke kaluar kufirin për të arritur në vendet fqinje ose duke gjetur strehim diku tjetër në Ukrainë.
Polonia pret numrin më të madh të refugjatëve: 2,593,902 sipas të dhënave të djeshme të UNHCR-së. Sot në mëngjes, rojet kufitare polake raportuan 2,630,000 mbërritje./Opinion.al
