Italia mund të shpallë një gjendje të jashtëzakonshme për emigracionin dhe refugjatët.
Këtë lajm e ka dhënë ministri italian përgjegjës për politikën detare, Nello Muzzumecchi.
Sipas tij e gjithë çështja lidhet me rritjen e madhe të numrit të të ardhurve, sidomos këto ditët e fundit. Pritet që kjo çështje të diskutohet në kabinetin e qeverisë Meloni, që do të mblidhet pasditen e sotme.
Ai përmend faktin se e kishte paralajmëruar situatën në të cilën ndodhen dhe bën me dije se gjendja e jashtëzakonshme do të lehtësojë marrjen e vendimeve të nevojshme.
“Kisha alarmuar ditët e fundit. Ishujt tanë nuk mund të përballen të vetëm me gjithë këtë realitet, strukturat që ekzistojnë janë të mbipopulluara dhe është e qartë se gjendja e jashtëzakonshme do të lehtësonte marrjen e vendimeve të nevojshme”, tha Muzumechi në radion publike Rai.
Në total, fundjavën e kaluar rojet bregdetare italiane kanë shpëtuar më shumë se dy mijë emigrantë dhe refugjatë në jug të Siçilisë. Në këtë kohë, në të njëjtën kohë, një anije peshkimi me të paktën 700 persona në bord (shoqëruar nga dy skafe të rojes bregdetare italiane) është nisur drejt portit të Katanias, ku pritet të mbërrijë nesër, herët në mëngjes./Opinion.al
