Mjekët e spitalit të Kukësit janë përballur ditën e sotme me një fluks të lartë pacientësh.
Lidhur me situatën ka folur mjeku Albert Shehu, i cili shpjegon se vetëm që nga mëngjesi i kësaj të diele u paraqitën 50 raste me simptoma të njëjta.
Sipas tij, shkak mund të jetë bërë ndonjë virozë e stinës, por mund edhe të kemi bëjmë me helmim nga uji ose nga frutat.
Për rastin janë njoftuar autoritetet e Shëndetit dhe pritet të zbulohet edhe shkaku.
“Ky fenomen mund të lidhet me një gjendje virale ose intoksikacion që mund të jetë nga uji, nga perimet, frutat. Ka një fluks të shtuar. Vetëm sot nga ora 08.00 e deri më tani mund të ketë mbi 50 vizita që janë bark e të vjella, ka pasur edhe temperaturë…Do ta mbajmë nën kontroll. Ka nga të gjitha grupmoshat, edhe te pediatria. Ngjarja është njoftuar, është ngritur si problem. Nuk dihet nga se është shkaktuar,” shpjegon Shehu.
