Policia Rrugore e Tiranës iu ka bërë apel drejtuesve të automjeteve, të cilët po udhëtojnë drejt kryeqytetit që të përdorin rrugët alternative.
Shkak i këtij apeli është bërë trafiku i rënduar në autostradën Tiranë-Durrës.
Sipas policisë, drejtuesit duhet të përdorin rrugët alternative si: Durrës-Tiranë nga rruga e Ndroqit ose Elbasan-Tiranë.
“Nisur nga fluksi i madh i automjeteve në kthim për në Tiranë, Policia Rrugore e Tiranës, apelon për të gjithë drejtuesit e mjeteve, që për shkak të trafikut të rënduar në autostradën Durrës-Tiranë, të përdorin rrugët alternative:
*Durrës-Tiranë (Rruga e Ndroqit);
*Elbasan-Tiranë.
Gjithashtu, kujtojmë të gjithë drejtuesit e mjeteve që gjatë udhëtimit të respektojnë distancën e sigurisë nga mjeti në mjet”,-thuhet në njoftimin e policisë./Opinion.al
