Aktori i njohur i “Portokallisë”, Florjan Binaj, gjatë paradites së djeshme është përfshirë në një aksident me makinë.
Pas fotove që u publikuan nga vendi i ngjarjes me makinën e dëmtuar, Flori ka reaguar në profilin e tij në Instagram duke sqaruar se, fatmirësisht, ai nuk ka pësuar asgjë, sepse sapo kishte dalë nga makina.
Por, në të njëjtën kohë, jep edhe një mesazh për të gjithë shoferët që ecin pa e pasur mendjen dhe sidomos për ata që gjatë kohës që drejtojnë makinën, përdorin edhe telefonin.
“Miq dhe mikesha, në aksidentin e sotëm automobilistik, unë, fatmirësisht, nuk kam pësuar asgjë, sepse sapo kisha dalë nga makina, por makina nuk e pati të njëjtin fat…
Ju lutem të gjithë atyre që ngasin makinën duke bërë selfie e duke parë çfarë kanë bërë të tjerët në Facebook ose Insta, hiqeni celularin nga dora kur i jepni makinës, sepse jeta juaj dhe e të tjerëve vlen më shumë sesa një like, një koment apo një share…
Faleminderit të gjithë atyre që janë bërë merak për gjendjen time shëndetësore. Gjithashtu, faleminderit edhe atyre që iu bë qejfi që kjo ndodhi!”
