Përmbytje, shkatërrim dhe reshje të dendura shiu solli uragani Ian në brigjet juglindore të Floridas, duke ngritur autoritetet në alarm, ndonëse ishin përgatitur më herët.
Stuhia e kategorisë së 4, mbërriti në Gjirin e Tampës me erëra deri në 250 km në orë, pasi kishte lënë pa drita Kubën, të cilën e goditi më herët.
Sipërfaqe të mëdha në Fort Myers, Naples dhe ishullin Sanibell tashmë janë nën ujë, ndërkohë që plazhi i Fort Myers është zhdukur përkohësisht.
Shërbimi Kombëtar i Motit parashikon se uragani do të forcohet në orët në vijim duke thënë se pasojat pritet të jenë shkatërrimtare.
