Florida miraton ligjin që lejon mbajtjen e armëve në publik pa licensë.
Masa, e miratuar javën e kaluar, nga Dhoma e Përfaqësuesve kaloi sot në Senat me 27 vota pro dhe 13 kundër.
Sipas guvernatorit Ron DeSantis, Florida do të bëhet shteti i 26-të, që lejon mbajtjene e armëve pa licensë.
“Projektligji i cili mund të hyjë në fuqi më 1 korrik, do të bëjë Floridën shtetin e 26-të që lejon mbajtjen e armëve në publik pa licensë”, tha guvernatori Ron DeSantis.
Bëjnë me dije se mosha për blerjen e armëve nuk duhet të jetë më e vogël se 21 vjeç dhe blerësi duhet të ketë një precedent të pastër penal.
Që nga 1 korriku 2022, Departamenti i Bujqësisë dhe Shërbimeve të Konsumatorit në Florida ka refuzuar 4,134 aplikime për leje sepse aplikantët janë konsideruar të papërshtatshëm.
Kritikët e legjislacionit e kanë kundërshtuar miratimin e ligjit e të drejtave të armëve, duke e quajtur atë “të rrezikshëm”, duke marrë parasysh sulmet me armë që kanë ndodhur kohët e fundit, siç ishte ai i Nashville, ku mbetën të vrarë tre fëmijë dhe tre të rritur në shkollën e krishterë./Opinion.al
