Florian Marku ka regjistruar një tjetër fitore në karrierën e tij. Boksieri shqiptar kishte përballë francezin Jorik Luiseto, të cilin, Marku e mposhti pas 8 raundeve.
Shqiptari ka regjistruar fitoren e 10-të, duke çuar në 11 serinë e ndeshjeve pa pësuar ende asnjë humbje.
Marku dominoi thuajse të gjithë ndeshjen, duke goditur me saktësi kundërshtarin dhe në fund duke marrë një sukses 78-75 që përmirëson bilancin e tij dhe e ndihmon që të bëjë përsëri shkallë më lart në renditjen botërore.
Në duelin e zhvilluar në “Uemblin”, shqiptari fitoi kundër 33-vjeçarit francez, i cili kishte 11 fitore e 2 humbje në karrierën si profesionist.
Marku ka arritur të fitojë me pikë, duke siguruar vazhdimësinë si i pamposhtur./Opinion.al
