Florian Marku mbetet kampion. Boksieri shqiptari mposhti me pikë rivalin e tij çek Miroslav Serban në një ndeshje të zhvilluar në Londër.
Në turneun e zhvilluar në kryeqytetin anglez, arena ishte e mbushur me shqiptarë ku nuk mungonin plisat e flamujt kuqezi.
Marku dominoi të 6 raundet e takimit edhe pse nuk arriti ta rrëzonte kundërshtarin. Në fund, ai triumfoi me pikë 65 me 55 kundër boksierit çek.
Kjo ishte fitorja e pestë në po kaq ndeshje për Markun në boks, pas eksperiencës me katër duele dhe po kaq fitore në Artet Marciale Mikse. Ai ka gjithashtu 102 triumfe dhe vetëm 4 humbje në kick-box./ Opinion.al
