I ftuar në emisionin “Tek Unë”, aktori i famshëm i Portokallisë ka treguar për takimin e parë me Kryeministrin e sotëm të vendit, Edi Rama.
“Në Portokalli u futa duke imituar Edi Ramën. Në fillim e imitoja përpara shokëve në lice, sepse ngjashmëria e parë që kisha me të ishte zëri. Më pas fillova të vija re edhe gjestet dhe mimikën derisa e bëra personazh timin.”
Por të imitoje në vitet e para kur u hap spektakli i humorit, ishte deri diku “tabo”, ndaj edhe nuk dihej si mund të ishte reagimi i Kryebashkiakut të asaj kohe.
“Për herë të parë e takova në një ekspozitë reklamash. Prisja që të më rrinte me nerva, por ai ishte shumë pozitiv. Më tha se e ndiqte Portokallin në gati çdo puntatë dhe madje kishte edhe preferencat e veta për personazhet e krijuar”, tregon Flori, i cili ka më shumë se 12 vite që imiton politikanin Edi Rama
