Florenc Çapja ka kërkuar azil politik në Dubai. Lajmi është konfirmuar nga avokati i tij, Neshat Fana në një prononcim për news 24.
Sipas tij, Çapja ka leje qëndrimi në Dubai, megjithatë ka kërkuar dhe statusin e azilantit, duke argumentuar se nuk ka asnjë provë që është i përfshirë në vrasjen e Gentian e Nezir Beqirit.
Aktualisht sipas avokatit, Florenc Çapja ndodhet në ambientet e banesës së tij në Dubai, në Emiratet e Bashkuara Arabe, dhe po qëndron në kontakt me autoritetet atje. Avokati tha gjithashtu se shteti e ka hetuar prej 12 vitesh dhe nuk ka gjetur asnjë provë ndaj tij.
Kujtojmë se Florenc Çapja është nipi i Ardian Çapjas dhe dyshohet se të dy së bashku kanë urdhëruar vrasjen e babë e bir, Gentian e Nezir Beqirit./Opinion.al
