Presidenti i Kosovës, Hashim Thaçi ka thënë se nuk do ta harrojë asnjëherë ditën kur është shpallur Pavarësia, 11 vjet më parë. Madje ai ka thënë se prej kësaj dite, flokët i ka më të thinjura dhe bota ka ndryshuar, por ai nuk do ta harrojë asnjëherë këtë ditë.
“Flokët e mia janë më të thinjura, bota ka ndryshuar gjithashtu. Por ajo ditë speciale kur ‘kam dëgjuar rrahjet e zemrës të gjyshërve tanë’ do të mbetet përgjithmonë në memorien time dhe të gjithë kombit. Zoti e bekoftë popullin e Kosovës. Zot i bekoftë miqtë tanë”, ka shkruar ai në Tëitter.
Ndërkohë Qeveria e Kosovës mbajti mbledhje solemne. Kryeministri Ramush Haradinaj tha se ky vit është vit i konsolidimit të Kosovës, për të mbyllur, siç tha ai, temat e hapura, përfshirë edhe marrëveshjen eventuale me Serbinë.
“Besoj se tani ky është në vit i konsolidimit tonë si shtet, i përmbylljes së të gjitha temave të mbetura të hapura në planin rajonal e ndërkombëtar, këtu nënkuptohet edhe një marrëveshje për njohje, obligative e ligjore me Serbinë në kufijtë ekzistues, por edhe anëtarësimi në NATO”, tha Haradinaj. Sipas Haradinajt, Kosova nuk e ka luksin që të bëjë hapa prapa, por vetëm hapa para.
LEXO EDHE: Përvjetori i “ftohtë” dhe loja me zjarrin amerikan
