Flokët duken mjaft bukur nëse nuk e heqim menjëherë kripën e detit. Por duket se veç bukurisë ajo ndikon edhe në shëndet.
Mësohet se kripa e detit arrin të balancojë nivelet e acidit në trup dhe në këtë mënyrë eliminon rrezikun e sëmundjeve të ndryshme. Përmes saj përmirësohet sistemi imunitar,shëndeti kardiovaskular, kontrollon shtypjen e lartë të gjakut, ul nivelet e larta të kolesterolit dhe trajton diabetin.
Ndërkohë lidhur me flokët, kripa e detit u shërben personave që kanë flokë të yndyrshëm. Diçka e tillë ndodh sepse kripa e detit ndihmon në absorbimin e çdo vaji të tepërt dhe përmban minerale, gjë që i bën flokët më të buta dhe më voluminoze.
Përveç periudhës së verës, kur ne mund të lahemi dhe t’i mbajmë flokët për disa orë me kripën e detit, në periudha të tjera përdorimi i kripës së detit në flokë bëhet duke i lagur flokët, e më pas duke shtuar një deri në dy lugë gjelle me kripë./Opinion.al/
