Gazeta greke “Prothotema” ka publikuar ditën e sotme dëshminë e vajzës me aftësi të kufizuara që u dhunua seksualisht nga shqiptari Aleksandër Luca.
Luca ndodhet në bangën e të akuzuarve për vrasjen e studentes greke Eleni Topalidou, të cilën e hodhi nga një shkëmb pasi kjo e fundit i refuzoi aktin seksual.
Vetëm 24 orë pasi kreu këtë akt, Luca u përfshi në një tjetër akt të rëndë.
Në bashkëpunim me një rom, ai dhunoi seksualisht një vajzë me aftësi të kufizuara.
Në dëshminë e saj dhënë për policinë, vajza ka rrëfyer atë çfarë ka ndodhur.
“Ai më ftoi që të udhëtonim me makinë për të dëgjuar muzikë. Kur mbërritëm te klubi më rrahu dhe më detyroi të bënim seks oral. Unë bërtita, “ju lutem më lëshoni’. Por ata më rrahën dhe kërcënuan dhe më çuan poshtë në plazh, te banjat publike. Aty të dy më qëlluan dhe më dhunuan” – ka thënë vajza.
Duke iu referuar policisë, dhunimi i vajzës me aftësi të kufizuara u bë më datë 1 dhjetor, ndërsa trupi i Eleni Tolapoudis u gjet pa jetë buzë detit më 28 nëntor.
