Lul Raka, profesor i mikrobiologjisë në Universitetin e Prishtinës nuk përballet për herë të parë me një epidemi. Ai ka qenë prezent në Afrikë si këshilltar I OBSH në kohën që atje kishte shpërthyer ebola, një sëmundje me 90% vdekshmëri. Në një lidhje me skype në emisionin “Opinion”, Profesor Raka duke folur për ngjashmëritë mes ebolës dhe koronavirusit theksoi se ky i fundit ka një sfidë të jashtëzakonshme, për shkak të rrugëve me të cilat përhapet.
Në kulmin e epidemisë kam qenë në OBSH si konsulent. Ka qenë një përvojë jetësore për mua qëndrimi atje. Në terren sheh paradokse të ndryshme.
“E para ka qenë për mua spitalet e mbyllura për shkak të frikës së punëtorëve të shëndetësisë, sepse një numër i konsiderueshëm i punonjësve shëndetësorë kanë vdekur gjatë epidemisë, të prekur nga ebola. Për mua paradoksi më i madh ka qenë vizita në një prej qendrave me 120 shtretër, në të cilën pamë kufoma të personave, për shkak të mospagimit të kosots për funeralin.
Në sfida të tilla e rëndësishme është të bëhet koordinimi në të gjitha nivelet. Në epidemi të tilla frika dhe paniku përhapen më shpejt se virusi, arma për ta luftuar janë informatat e sakta. Ne po përballemi me një virus të ri dhe dita ditës dalin informacione të reja, që hedhin poshtë ato që dinim më parë.
Në fushën e përgjigjes, elementi kryesor është tek populli, në zbatimin e të gjitha rekomandimeve nga institucione”, tha profesor Raka.
I pyetur nga gazetari Blendi Fevziu se cila prej dy sëmundjeve është më e frikshme, professor Raka tha: “Në kohën kur kam qenë unë vdekshmëria e ebolës ka qenë 90% përqind, për nga rreziku është e pakarhasueshme. Mirëpo për nga shkalla e përphapjes ka qenë më e izoluar, duhej kontakt shumë i gjatë dhe i afërt për t’u infektuar. Por secila ka dhënë probleme dhe tashmë po përballemi me një pandemi, pasi me rrugët e përhapjes është një sfidë e jashtëzakonshme me të cilën duhet të përballemi./Opinion.al
