Presidenti i Federatës Shqiptare të Futbollit, Armando Duka, tashmë edhe anëtar i Komitetit Ekzekutiv të UEFA-s ka folur në një intervistë për A2 Neës edhe për dënimin e ekipit të Skënderbeut, me 10 vite nga organi më i lartë i futbollit në Evropë.
“Dënimi i Skënderbeut nuk ka ndodhur asnjëherë më parë, është i paprecedentë. Nuk do të isha dakord me një dënim të tillë, pasi po ta zbërthesh tamam, është i përjetshëm. Mendoi së është rasti më i keq dhe është bërë për t’u marrë shembull”.
Ndërsa për shanset që Kombëtarja ka për një pjesëmarrje në “Euro 2020”, Duka nuk trembet duke thënë se përfaqësuesja ka shanset e veta. “Franca është kampione e botës dhe është në formë, por mes Turqisë, Moldavisë, Islandës dhe Shqipërisë nuk ka diferenca. Kualifikimi nuk është një mision i lehtë, por do ta tentojmë.
Objektiv kemi të fitojmë çdo ndeshje. Por në futboll nuk arrihet gjithmonë ajo që ke vendosur si objektiv. Grupi që bëjmë pjesë është i balancuar dhe i kam thënë Panuçit që kush llogarit 6 pikë me Andorën i ka të humbura”, tha kreu i FSHF-së.
