Kryetari historik shqiptar i Kuvendit të Maqedonisë, Talat Xhaferi, i zgjedhur dje në një seancë të jashtëzakonshme, ka komentuar situatën e mbrëmshme.
Pas zgjedhjes së një shqiptari në krye të parlamentit, salla plenare u la në gjak. Dhunë barbare u ushtrua ndaj deputetëve shqiptarë dhe ndaj deputetëve të LSDM-së së Zaevit që pritet të zgjidhet kryeministër.
Duke komentuar situatën, kryeparlamentari Xhaferri tha se ajo që ka ndodhur mbrëmë në Maqedoni do të ketë pasojat e veta. “Situatë e vështirë. Veprimet e mbrëmshme do të kenë pasojat e veta”, ka thënë Xhaferi për zeri.info. Megjithatë ai ka shtuar se tani pritet që gjithçka të bie në vendin e vet, ndërkohë që ka konfirmuar se deputetët shqiptarë janë mirë.
Foto: Nga evakuimi i Xhaferrit mbreme nga parlamenti
