Pak kuti na ndajnë nga rezultati final nga zgjedhjet në Dibër, por kandidati i majtë Muharrem Rama ka folur për herë të parë për zgjedhjet dhe rezultatin shumë të thellë që ka regjistruar nga kandidatit Sherefedin Shehu.
Rama shprehu mirënjohjen e tij për popullin e Dibrës dhe tha se menjëherë do të filonte nga puna.
“Sot për Dibrën fillon një epokë e re. Mirënjohje popullit dibran për votën që më dhanë”, tha Rama.
“Menjëherë do të nis punën në infrastrukturë, pasi Dibra ka shumë probleme. Kemi edhe projekte të tjera”, vijoi Rama.
Më tej ai ia kushtoi fitoren në Dibër, popullit dibran më pas edhe ministrit Gjiknuri dhe deputetes Blerina Gjylameti.
Ai tha se ishte i habitur nga fitorja me këtë diferencë, megjithëse e priste që të triumfonte.
