Arbitri anglez Michael Oliver ka folur për herë të parë për penalltinë e dhënë rreth 3 javë më parë në ndeshjen midis Real Madrid dhe Juventus në sfidën çerekfinale të Champion League, ku skuadra e Juventusit u eleminua.
Lidhur me penalltinë e dhënë arbitri i ndeshjes ka marrë edhe kërcënimë të shumta.
“Ishin ditë të çuditshme, por u ndjeva mirë që shumë njerëz brenda dhe jashtë kësaj loje, ishin të gatshëm dhe më ofruan mbështetje. Ishte diçka e thjeshtë, por që për mua ishte domethënëse. Kisha njerëz që më takonin në rrugë duke më thënë se më respektonin dhe njerëz pranë futbollit më dërguan shumë mesazhe” ka thënë Oliver.
Ndërkohë federata angleze i ka dhënë besim arbitrit, që i caktoi të arbitrojë ndeshjen e finales së Fa Cup, midis Manchester United dhe Chelsea.
“U ndjeva krenar që më caktuan finalen pasi këto mundësi vijnë rrallë për një arbitër. Është e bukur sesi vijnë gjërat pasi finalja e 1994 mes Manchester United dhe Chelsea, ishte e para që mbaj mend se kam parë nga një ndeshje futbolli. Ja ku jam tani, duke drejtuar një sfidë të tillë 24 vjet më vonë” ka shtuar më tej arbitri.
