Autoritetet policore janë vënë në gjurmët e 45-vjeçarit që përdhunoi një grua në Paleo Faliro dhe tentoi të sulmonte një tjetër e më pas dyshohet se u arratis në Shqipëri.
Sipas informacioneve, ai ia ka dalë dhe ka mbërritur në kufirin greko-shqiptar rreth orës 1 të mëngjesit të datës 27 tetor dhe prej andej ka kaluar në Kakavijë. Punonjësit e policisë e kanë identifikuar përmes kamerave të sigurisë së zonës, deklaratave me përshkrimin e plotë të tij, por edhe nga materiali gjenetik që u zbulua.
Nëna e tij foli në ERT për dhunën dhe abuzimin që kreu djali i saj. “Nuk e dua një fëmijë të tillë”, tha ajo.
“Ai ka vdekur për mua. Nuk mundem. E ndjej se ka vdekur. Nuk e dua. Unë jam 70 vjeç. Unë i thoja se po marr pensionin, ai më merrte lekët. Pi cigare, pi birra. Policia erdhi këtu, gjeti një cigare hashash. Unë nuk dua një fëmijë të tillë”, shtoi nëna e 45-vjeçarit për kanalin grek.
Sipas dëshmitarëve të lagjes, ai ka pasur shpesh sjellje të dhunshme, ndërsa britmat dëgjoheshin nga brenda shtëpisë së tij. Madje, policia është thirrur disa herë në vendngjarje.
Përdhunimi dhe tentativa kanë ndodhur të dielën e kaluar brenda pak orësh dhe në vende që janë pak metra larg banesës së tij. Ndaj shqiptarit ngritur akuza për dhunim të kryer dhe tentativë, me përdorim të forcës, kanosje me armë dhe rrëmbim. Sipas mediave vendase 45-vjeçari kishte kryer një tjetër sulm ndaj një gruaje gjashtë muaj më parë.
Më pas, në një mënyrë të panjohur, ai kishte arritur të joshte një të re në shtëpinë ku jetonte me nënën e tij, të cilën e dhunoi, e plagosi rëndë ndërsa gruaja u shpëtua kur fqinjët dëgjuan britmat e saj dhe thirrën policinë./Opinion.al
