Jose Mourinho thotë se nuk mund t’i thoshte jo dëshirës së Wayne Rooney për t’u larguar nga Manchester United teksa sulmuesi legjendar i Anglisë i është bashkuar Evertonit. Ai ka nënshkruar një kontratë dyvjeçare me ekipin që luan në “Goodison Park” për një shifër e cila nuk është bërë akoma e ditur. 31-vjeçari largohet si rekordmeni i United me 253 gola në 559 ndeshje, pasi ka fituar pesë tituj Premier League dhe Champions League ndër 12 trofeve të tjerë.
Por ai ka vuajtur sezonet e fundit, madje duke ndryshuar edhe pozicion nga sulmi në mesfushë. Ai ishte titullar në vetëm 15 ndeshje nën drejtimin e Jose Mourinho-s sezonin e kaluar. Gjithsesi, portugezi është dukur shumë i prekur nga largimi i tij.
“Nuk është sekret se gjithmonë kam qenë një admirues i madh i Wayne, ai ka qenë një profesionist model gjatë periudhës të tij tek United dhe do të mbetet në librat e rekordeve për shumë vite me radhë. Nuk është asnjëherë e lehtë të shohësh një lojtar kaq të madh të luajë më pas se sa dëshiron dhe nuk mund t’i thosha jo dëshirës së tij për t’u larguar për tek Everton. Ai do të na mungojë. I uroj gjithë të mirat për ditëlindje.”
