Pas heshtjes së gjatë, Adriana Gutierrez ka vedosur të flasë. Miss Kolumbia thotë se nuk është një rastësi që nuk kemi dëgjuar asnjë fjalë nga ajo pas fitimit dhe humbjes në Miss Universe.
“Jam shkëputur nga gjithçka. Nuk kam pranuar telefonata nga pothuajse askush. Shumë pak njerëz kanë komunikuar me mua dhe kjo për shkak se unë kam ‘vuajtur’ për atë se çfarë ka ndodhur”, është shprehur Gutierrez.
Por, tani ajo ka vendosur të shprehet për atë që ajo quan ‘padrejtësi e madhe’, transmeton lajm.net.
Adriana ka vazhduar: “Ishte shumë e vështirë për mua, ka qenë një shok i vërtetë. Kjo për shkak se është një ëndërr për të cilën kam luftuar. Gjithmonë e kam ëndërruar këtë, të jem Miss Universe. Ishte shumë poshtëruese për mua”.
Kur Harvey është kthyer në skenë për të përmirësuar gabimin që ka bërë, ajo ka qeshur, pasi ka menduar se ai po bënte shaka, pasi në prova po bënte shpesh ashtu.
Megjithatë, ajo thotë se ia ka dalë të bëjë historinë, gjë kjo e cila ndoshta është më e rëndësishme se fitimi i titullit të ‘Miss Universe’./lajmi.net
