Kryetari i Kuvendit Ilir Meta ka folur për mediat pas një dreke pune që pati me ambasdoren e re të Gjermanisë të akredituar në vendin tonë. Ai tha se folëm për miratimin e ligjeve të vetingut dhe reformën në drejtësi. Meta nuk pranoi të jepte afate kur u pyet nga mediat se kur do të mblidhet parlamenti për miratimin e ligjeve të vetingut. Jemi në diskutime, tha ai, asgjë nuk është vendosur, por deri më 11 gusht deputetët të jenë të qetë dhe të vazhdojnë pushimet.
Ndërsa për veten tha se s’do bëjë pushime.
‘’Unë, Z.Xhafaj dhe Z.Bylykbashi do të bëjmë pushime dimërore…’’, tha Meta, duke dhënë mesazhin se Parlamenti do të jetë në punë gjatë gushtit, për Reformën në Drejtësi.
‘’Po besoj që këto dy ditë do të jemi shumë më të qartë që të vazhdojmë rrugën e nisuer për të hapur negociatat dhe nisjen dhe implementimin e reformës.
Sakaq direkt pas drekës me znj. Susanne Schütz, Meta iu drejtua Kryesisë së Kuvendit, aty ku po e pret në takim ambasdori amerikan, Donald Lu.
Lajme të ngjashme:
