Pak ditë më parë këngëtarja Greta Koçi ka lançuar këngën e saj të re, “I besova”. Por jo më larg se mbrëmë kompozitori i vërtetë i këngës (të paktën siç pretendon), Besim Buzuku i njohur si Chipsi, ka postuar një status në rrjetet sociale ku thotë se kënga e Gretës mban autorsinë e tij.
Opinion.al ka kontaktuar me Chipsin, i cili na ka treguar në një intervistë të gjithë versionin e tij. Ndërkohë kontaktuam edhe këngëtaren, Greta Koçi e cila nuk ka preferuar të na përgjigjet.
Deri sa zbardhet e vërteta… lexoni intervistën e kompozitorët. i cili tregon se ka marrë edhe kërcënime nga këngëtarja.
Keni publikuar një status, ku thoni se kënga “I besova” e Greta Koçit, që pretendoni se është e juaja, ku e bazoni këtë fakt?
Është fare e thjeshtë, sepse çdo kompozitor i njeh këngët e veta dhe padyshim që edhe unë e njoha këngën time.
Si e vërteton ti këtë?
Të vërtetohet se një këngë është e imja është fare e thjesht, sepse kam shumë dëshmi për këtë fakt. Duke filluar nga projekti që posedoj në studio, e-mail kur i kam dërguar këngën, pranimin dhe fjalët e saj, kam dhe të gjitha mesazhet që kemi folur gjatë gjithë kohës.
Pse Greta e ka mohuar emrin tuaj, sepse është e para herë që një këngëtare e njohur si Greta të mund të bënte diçka të tillë?
Arsyen se pse e ka mohuar emrin tim nuk e kam të qartë, por këtë gjë përveçse nuk e ka shkruar në të dhënat e video spotit, e ka mohuar edhe gojarisht në emision “Zonë e Lirë”, kur më quan “një djalë nga Kosova”.
Si u ndjetë kur e patë këngën në You Tube?
Të them të drejtën u ndjeva shumë keq sepse s’mu duk e drejtë kjo gjë. Por më shumë më bën çudi fakti se si ka pranuar një person tjetër, të cilit i është shkruar emri dhe ka lejuar që të bëj sikur ka bërë një këngë të cilën nuk e ka krijuar.
Keni patur miqësi me Greta Koçin, pra i keni bërë të tjera këngë?
Po, kemi pas miqësi. Unë i kisha bërë këngën me Gold Ag ft. Greta dhe Eni – Me Mu.
Besim ju thoni që kjo nuk është hera e parë që ju vjedhin, pse keni heshtur?
E vërtetë që nuk është hera e parë mirëpo nga miqësia që kisha krijuar, nuk doja që të replikoja për këto gjëra. Thënë troç më vinte keq.
Cilët këngëtare të tjerë e kanë bërë këtë gjë?
Nuk do doja që ti permendja tani ata këngëtarë sepse ka kaluar pak kohë dhe s’më duket e nevojshme që tani ti përmend ata.
Kontaktuat me Gretën kur patë që kënga ishte lançuar në You Tube?
Kam provuar të kontaktojë mirëpo s’ka qenë e mundur. Bile më bëri çudi se si ajo kishte angazhuar disa persona që më kërcënonin në emrin e saj dhe atë profesional të punës.
Cila është masa që do të merrni ndaj këngëtares do ta hidhni në gjyq atë?
Normalisht do punoj me maturi siç kam punuar deri më sot dhe do punoj vetëm sipas ligjeve dhe të drejtave të autorësisë. Duke filluar nga bllokimi i kënges në You Tube e më tutje.
