Milena Ivanoviç, gruaja e Oliver Ivanoviç ka folur pas vrasjes së të shoqit, sot në Mitrovicë. “Ma morën për të dytën herë, por kësaj radhe Oliver nuk do të kthehet më”, ka thënë për gazeten serbe “Blic”. “Ata që e kanë bërë vrasjen, nuk do shpëtojnë lehtë”, ka thene më tej bashkëshortja e tij.
Oliver Ivanoviç u vra në atentat teksa po shkonte në punë, në zyrat e partisë së tij.
Lideri i partisë “Serbia, demokracia, drejtësia” ndërroi jetë në spital duke mos mundur tu shpëtojë plagëve. Ende nuk dihet se kush janë atuorët e këtij krimi të rëndë që duket se do ndikojë edhe marrëdhënien Serbi-Kosovë. Presidenti serb njoftoi mbledhjen e Këshillit të Sigurisë në Beograd ndërsa janë prerë bisedimet Kosovë –Serbi në Bruksel.
