Top Channel vazhdon të bëjë ndryshime sa i përket imazheve televizive. Eneda Tarifa ikën nga prezantimi i Portokallisë pas 6 vitesh. Ajo ka konfirmuar për revistën online “Who” se ka qënë vendimi i drejtuesve të Top Channel dhe jo dëshira e saj.
Por mesa duket këngëtarja mbetet shpresëplotë se do ti besohet një projekt tjetër.
“E konfirmoj largimin tim nga “Portokallia”… Por nuk bëhet fjalë për një largim nga Top Channel. Do të vijoj të jem pjesë e Top Medias në ndonjë tjetër projekt, që është ende në tavolinë. Ky është një vendim i drejtuesve të Top Channel dhe unë e respektoj. Mendoj se kam dhënë maksimumin tim në këto gjashtë vite “Portokalli”, shprehet Eneda Tarifa.
