Gjashtë persona humbën jetën mbrëmë në një tragjedi të ndodhur në Ankona në një disko, si edhe shumë persona të tjerë mbetën të plagosur.
Gjithçka ndodhi gjatë një koncerti, ku në përpjekje për ti ikur një spraji helmues, të rinjtë kanë shtypur njëri-tjetrin.
Një nga zjarrëfikësit tha në tëiter se: “Shkaku mund të ketë qenë shpërndarja e një substance të keqe, të rinjtë ikën dhe shkelën mbi njëri-tjetrin. Mjerisht, gjashtë vetë vdiqën dhe dhjetra u plagosën”
Sipas mediave lokale thuhet se në diskon “Lantern Blue” në qytetin e Corinaldos, në bregdetin e Adriatikut, në momentin kur ndodhi tragjedia ishin rreth 1 mijë njerëz.
Deri tani viktimat mësohet se janë 5 të rinj dhe një grua që kishte shoqëruar vajzën e saj për të parë koncertin.
Mediat raportojnë se ende nuk kishte nisur shfaqja e reperit kur në klub është ndjerë një erë e çuditshme.
Për këtë shkak shumë persona i janë drejtuar daljeve të emergjencës që për fat të keq kanë qenë të mbyllura, duke shkaktuar më pas rrëmujën fatale ku të rinjtë shtypnin njëri tjetrin në tentativë për të dalë.
Ndërkohë një prej dëshmitarëve, që ka mbetur dhe i lënduar është shprehur: Ishim duke kërcyer në pritje të nisjes së spektaklit të Sfera Ebbasta, kur filluam të ndjenim erën e keqe. Iu drejtuam daljeve të emergjencës por ato ishin të mbyllura. Aty nisi dhe konfuzioni.
Për këtë shkak shumë persona i janë drejtuar daljeve të emergjencës që për fat të keq kanë qenë të mbyllura, duke shkaktuar më pas rrëmujën fatale ku të rinjtë shtypnin njëri tjetrin në tentativë për të dalë.
Ndërkohë një prej dëshmitarëve, që ka mbetur dhe i lënduar është shprehur: Ishim duke kërcyer në pritje të nisjes së spektaklit të Sfera Ebbasta, kur filluam të ndjenim erën e keqe. Iu drejtuam daljeve të emergjencës por ato ishin të mbyllura. Aty nisi dhe konfuzioni.
Shumica e të plagosurve thonë se kanë probleme me frymëmarrjen pas erës së keqe të lëshuar brenda klubit. Tashmë autoritetet italiane janë duke hetuar lidhur me personat që mund të kenë hedhur substancën e dyshimtë brenda klubit, si dhe elementët e tjerë të sigurisë.
