Bashkëshorti i Rozeta Dobit, e cila ndodhet pas hekurave bashkë me të birin për grabitjen e banesës së ish-këshilltares së ish-zëvendëskryeministrit Arben Ahmetaj, Alda Klosi, ka deklaruar sot se nuk ishte në dijeni për vjedhjet e gruas dhe të të birit.
Spartak Dobi pohoi se makinën e parë ia kishte blerë vetë djalit me paratë që kishte marrë pasi kishte qenë i burgosur gjatë kohës së komunizmit.
Ai shkoi deri aty sa akuzoi bashkëshorten se ka përdorur të birin për të kryer vjedhjet.
“Nuk kisha dijeni për vjedhjet, por gruaja punonte punëtore ne banesa pastruese neper shtëpi. Kishte 13 vjet që punonte. Se di në cilat banesa ka punuar gruaja. Por e di qe tek kjo gruaja njëherë e kam takuar, se mbaj mend me se është e ndare dhe me te shoqin dhe s’me hyn ne pune. Po ta dija do denoncoja vete. Djali është përdorur nga bashkëshortja për të kryer këto vjedhje. Ata ishin në gjendje të rënduar psikologjike. Bashkëshortja s’e ka pranuar e vetme fajin, por ka përfshirë dhe djalin e saj.”, tha ai.
