Babai i shefit të Krimeve në Policinë e Shkodrës, Gjergj Shpati, ka folur për mediat pas ngjarjes së ndodhur në orët e para të mëngjesit, ku iu vendos një sasi tritoli në banesën në lagjen Dobraç.
Shpati ka rrëfyer ngjarjen e ndodhur ndërsa mendon se gjithçka ka ndodhur për shkak të detyrës të të birit.
Po ashtu ai thotë se kanë qenë 17 persona brenda banesës, 3 familje nga kati i parë në të tretin.
“Ka ndodhur në orën 4 të mëngjesit. Ishim gjithë në gjumë. Ishte shpërthim i fuqishëm. Mendoj se ka ardhur për shkak të detyrës të djalit. Probleme me kënd nuk kemi patur. I kërkoj shtetit që të bëjë detyrën dhe ta zbardhë. Kemi qenë 17 vetë brenda shtepisë, 3 familje nga kati i parë në të tretin”, deklaroi Gjergj Shpati, babai i shefit të Krimeve Shkodër.
