Familja e Meghan Markle mesa duket ka si hobi të hedhë baltë mbi emrin e saj sa herë të munden. Babai i saj, e motra, vëllai dhe ish bashkëshorti nuk i kanë kursyer komentet negative për Dukeshën e Sussex sa herë i është dhënë rasti. Këtë herë Thomas Markle, babai i Meghan ka folur sërish keq për të bijën.
74 vjeçari, i cili më parë ka punuar si drejtor i ndriçimit në Hollywood, ka thënë se pas daljes në pension ka pritur që Meghan, Samantha dhe Thomas Jr ta ndihmojnë me para, por deri tani s’ka marrë asnjë monedhë nga fëmijët e tij.
Kjo deklaratë vjen menjëherë pas lajmit që Doria Ragland, mamaja e Meghan dhe ish bashkëshorja e Thomas, do të zhvendoset në Londër për të qëndruar pranë të bijës dhe dhëndrit të saj, princ Harry. Burimet pranë familjes Markle shprehen se gjatë kohës që Thomas punonte, i ka mbështetur fëmijët e tij gjithmonë. Por investimi i tij te fëmijët ndërsa rriteshin mesa duket atij nuk i është shpërblyer, siç pret çdo prind.
Thomas Markle shprehet se ka pritur që Meghan mbi të gjitha, pasi ka patur një karrierë të suksesshme në Hollywood e tani është pjesë e familjes mbretërore ta ndihmojë me para. Ai është nxitur për deklaratat e urrejtjes edhe nga fakti që ish bashkëshortja e tij është mirëpritur në pallatin mbretëror ndërsa a i jeton në një shtëpi të fëlliqur në Teksas.
“Unë u kujdesa për mamanë time në vitet e fundit të jetës së saj. Ime bijë me tha që do kujdesej për mua gjithashtu kur të dilja në pension. Nuk po flas për para, por për kujdes,” ka thënë Thomas.
Marrëdhëniet mes Meghan dhe babait të saj u nxehën pasi Thomas i mbylli telefonin princ Harry-t gjatë një zënke. Zënka e cila bëri bujë ishin akuzat ndaj Thomas se ai kishte thirrur paparacit për t’u dhënë informacion dhe për të fituar para. Sipas Meghan, kjo është vetëm një nga zhgënjimet e shumta që ka pasur nga i ati që kur ajo nisi universitetin.
Gjatë karrierës se tij Thomas Markle ka fituar me qindra mijëra dollarë çdo vit, por në 2016 ai u deklaruar i varfër dhe u zhvendos nga Los Anxhelos në Teksas për një jetë më të lirë./Opinion.al
