Prokuroria italiane e Katanias ka mbyllur hetimet dhe ka dërguar në gjykatë dosjen penale për bandën e trafikut të hashashit drejtuar nga Moisi Habilaj. Përfaqësuesja ligjore e Habilajve, avokatja Maria Caterina Caltabiana ka dhënë një deklaratë të shkurtër për korrespondenten e Ora News në Itali, mbi seancën e parë gjyqësore të zhvilluar dje në Katania.
Po kështu ajo është pyetur si qendron e verteta e marrjes në pyetje të Moisi Habilajt nga prokurorët shqiptarë, motivet e kësaj kërkese, etj.
Maria Caterina Caltabiano ka deklaruar: “Siç e dini, procesi për të cilin është arrestuar Moisi Habilaj ka nisur dje më datë 31. 05.2018. Në këtë seancë u trajtuan çështjet paraprake të gjykimit. Seanca gjyqësore u shty për në datën 26 shtator 2018 kur Prokurori Publik italian do të bëj kërkesat e tij të dënimit. Në seancat e mëvonshme do të zhvillohen diskutimet e palës mbrojtëse të të gjithë të dënuarve.
Është e vërtetë që z. Habilaj është marrë në pyetje nga prokurorët shqiptarë më datë 30 maj për llogari të hetimeve në Shqipëri. Kjo marrje në pyetje për vullnetin tim si avokate u bë pjesë e procesit gjyqësor italian. Nuk mund të zbuloj përmbajtjen e marrjes në pyetje pasi përbën sekret hetimor. Sa i takon linjës mbrojtëse ndaj klientit tim, nuk mund t’ju them asgjë paraprakisht pasi gjithçka do varet nga rindërtimi i fakteve nga Prokurori Publik”.
