Aktorja e njohur Demi Moore ka publikuar librin e saj me titull “Inside Out” ku tregon shumë histori të pathëna lidhur me jetë e saj private.
Një nga historitë që duket se ka bërë më shumë bujë ka të bëjë me tradhtinë një natë para martese që Demi ka bërë kur u martua në muzikantin Freddy Moore.
“Një natë para se të martoheshim, në vend që të merresha me premtimet e mia, telefonova një djalë që kisha takuar në xhirimet e një filmi. U largova nga festa ime e beqarisë dhe shkova në banesën e tij”,– ka shkruar aktorja në librin e saj.
Pas rrëfimit të kësaj historie ka reaguar vet personi tek i cili ka shkuar Moore atë natë. Bëhet fjalë për aktorin, sot 56-vjeçar Paul Carafotes i cili ka thënë rreth asaj nate:
“Po, unë jam aktori për të cilin ajo e ka fjalën. Ne kishim një lidhje. Unë isha 21-vjeç dhe po realizoja daljen time të dytë në film. Ajo ishte 18-vjeçe dhe ajo ishte dalja e saj e parë. I thashë asaj se isha i lodhur dhe të shkoja të flija, por Demi ishte këmbëngulëse. I thashë se nëse donte të vinte do të lija dritaren e kuzhinës hapur. Ajo që mbaj mend është se Demi më ka zgjuar me një shishe shampanjë në dorë dhe ka thënë, ‘hajde të festojmë’. Ajo ishte e egër, të gjithë ishim në atë kohë,”-u shpreh aktori.
Tashmë Carafotes i uron vetëm më të mirat aktores së njohur: “Jam shumë i lumtur që ajo tashmë është esëll, edhe unë jam prej 17 vitesh . Por nuk do ta harroj kurrë Demin. Ka diçka speciale në sytë e saj,”-mësohet të ketë thënë aktori./Opinion.al/
