Kreu i Partisë Demokratike, Lulzim Basha është takuar sërish ditën e sotme me eurodeputetin Knut Fleckenstein.
Takimi i zhvilluar në ambientet e hotel “Sheraton” në kryeqytet mësohet se ka zgjatur më pak se një orë dhe është diskutuar për situatën politike në vend, për protestën e opozitës dhe bojkotimin e Kuvendit.
Gjatë vizitës së tij në Shqipëri raportuesi i PE është takuar me Bashkën edhe dy ditë ma parë.
Fleckenstein në deklaratat e tij ka thënë se nuk do shkojë në çadrën e opozitës, gjë që duket se ka detyruar kreun e PD-së të largohet për pak kohë nga sheshi i protestës.
